Марелин

-

Медрол®

preparat tarkibiy qismlariga yuqori sezuvchanlik. Ehtiyotkorlik bilan qo‘llash kerak oshqozon va o‘n ikki barmoq ichak yara kasalligida, ezofagitda, gastritda, o‘tkir yoki latent peptik yarada, ichak anastomozida (yaqin anamnezda), perforatsiya yoki abstsess xavfi bilan kechuvchi noxos yarali kolitda, divertikulitda; qandli diabet va unga moyillikda; giperlipidemiya; miasteniya, osteoporoz, gipoterioz, gipertirioz, o‘tkir psixoz, o‘tkir va o‘tkirlik davridagi miokard infarkti, kongestiv yurak yetishmovchiligi, arterial gipertenziya, og‘ir jigar funksiyasi buzilishi (ayniqsa, gipalbuminemiya bilan birga) yoki buyraklarda, ochiq burchakli glaukoma, oddiy gerpes (ko‘z shakli), suvchechak, qizamiq, strongiloidoz, OITS, OIV-infektsiyasi; faol va latent tuberkulyoz, og‘ir bakterial yoki virusli infektsion kasalliklarda (superinfektsiya rivojlanish xavfini oshiradi, kasallik alomatlarini yashiradi), preparatni faqat maxsus terapiya fonida qo‘llash mumkin. Tizimli zamburug‘li infektsiyalarda preparatni qo‘llash tavsiya etilmaydi.

Bolalarga dozani shifokor tanasi massasi yoki tanasi yuzasining maydoni hisobga olinib belgilaydi. Buyrak ustigi yetishmovchiligi bo'lganda ichga kuniga 0,18 mg/kg yoki 3,33 mg/m2 ni 3 qabulda, boshqa ko'rsatmalarda - 0,42-1,67 mg/kg yoki 12,5-50 mg/m2 ni kuniga 3 qabulda qabul qilinadi. Ta'kidlash joizki, kerakli doza turlicha bo'lishi mumkin va dozani individual tanlash kasallikning xususiyati va bemorning davolanishga reaktsiyasiga qarab amalga oshirilishi kerak. Uzoq muddatli davolanishdan keyin preparatni bosqichma-bosqich bekor qilish tavsiya etiladi. Davolanishda yaxshi natija olinganda, dastlabki dozani asta-sekin kamaytirib, ma'lum vaqt oralig'ida eng kam dozani topish orqali individual qo'llab-quvvatlovchi dozani tanlash kerak. Preparatni dozalash tartibini doimiy nazorat qilish zarurligini yodda tutish kerak.

Hayvonlar ustida o‘tkazilgan eksperimental tadqiqotlar GKS yuqori dozada yuborilganda plodda nuqsonlar paydo bo‘lishiga olib kelishi mumkinligini ko‘rsatgan. Insonda GKS ning reproduktiv funksiyaga ta'siri bo‘yicha tadqiqotlar hali o‘tkazilmaganligi sababli, ushbu preparatlarni homiladorlik, emizish davridagi yoki tug‘ish yoshidagi ayollarda qo‘llashdan oldin preparatning kutilayotgan ijobiy ta'sirini ona, embrion yoki plod uchun potentsial xavf bilan solishtirib baholash zarur. GKS homiladorlik davrida faqat mutlaq ko‘rsatmalar bo‘yicha tayinlanishi kerak. GKS platsentar to‘siq orqali oson o‘tadi. Homiladorlik davrida yuqori dozada GKS qabul qilgan onalardan tug‘ilgan bolalarni buyrak usti bezlarining gipofunksiyasi belgilarini aniqlash maqsadida sinchkovlik bilan tekshirish kerak. GKS ning tug‘ruq jarayoniga va uning natijasiga ta'siri noma'lum. GKS emizikli sutga ajraladi, shuning uchun Medrol preparatini laktatsiya davrida tayinlash zarur bo‘lsa, emizishni to‘xtatish kerak.

Og‘ir jigar funksiyasining buzilishi holatida (ayniqsa, hypoalbuminemiya bilan birga kelganda) ehtiyotkorlik bilan qo‘llaniladi.

Ehtiyotkorlik bilan bu preparatni buyrak funksiyasi buzilgan bemorlarga qo‘llash kerak.

Preparat retsept bo‘yicha beriladi.

Preparatning o'tkir ortiqcha dozasi klinik sindromi ta'riflanmagan. GKS ortiqcha dozada o'tkir toksiklik holatlari juda kam uchraydi.Simptomlar: uzoq vaqt davomida tez-tez qayta qabul qilish (kunlik yoki haftada bir necha marta) Kushing sindromining rivojlanishiga va GKS ning uzoq muddatli terapiyasiga xos bo'lgan boshqa asoratlarga olib kelishi mumkin. Davolash: simptomatik terapiya o'tkazish. Metilprednizolon dializ orqali chiqariladi. Maxsus antidot mavjud emas.

B ro‘yxati. Preparatni bolalar ololmaydigan joyda, 25°C dan yuqori bo‘lmagan haroratda saqlash kerak.

Ichak usti bezining endokrin kasalliklari: birlamchi va ikkilamchi buyrak usti bezlarining yetishmovchiligi (gipokortizon yoki kortizon birinchi tanlov preparatlari; kerak bo‘lganda sintetik analoglar mineralokortikoidlar bilan kombinatsiyada qo‘llanilishi mumkin; pediatriyada mineralokortikoid qo‘shish muhim ahamiyatga ega); tug‘ma buyrak usti bezlari giperplaziyasi; surunkali va subakut tireoidit; yomon xulqli yangi o‘smalarda giperkaltsiemiya. Suyak-mushak tizimi kasalliklari (shu jumladan, revmatik kasalliklar) (qo‘shimcha terapiya sifatida, keskin holatdan chiqarish yoki kasallik zo‘rayganida qisqa muddat qo‘llaniladi): psoriatik artrit; revmatoid artrit, jumladan o‘smirlik revmatoid artriti (ba’zi hollarda kichik dozalarda qo‘llab-quvvatlovchi terapiya talab qilinishi mumkin); ankilozlovchi spondilit; o‘tkir va subakut bursit; o‘tkir noaniq tendosinovit; o‘tkir podagrik artrit; travmadan keyingi osteoartroz; osteoartrozda sinovit; epikondilit. Biriktiruvchi to‘qimalarning tizimli kasalliklari (zo‘rayish davrida yoki ba’zi hollarda qo‘llab-quvvatlovchi terapiya sifatida): o‘tkir revmokardit; tizimli qizil volchanka; tizimli dermatomiozit (polimiozit); revmatik polimialgiya; gigant hujayrali arterit. Teri kasalliklari: pemfigus; gerpetiform bullioz dermatit; Stevens-Jonson sindromi bilan kechuvchi og‘ir ko‘p shaklli eritema; eksfoliativ dermatit; qo‘ziqorinli mikoz; og‘ir psoriaz; og‘ir seboreyik dermatit. Allergik reaksiyalar (oddiy terapiya samarasiz bo‘lgan og‘ir yoki nogiron qiluvchi holatlar): mavsumiy yoki yil davomida kuzatiladigan allergik rinit; zardob kasalligi; bronxial astma; kontakt dermatit; atopik dermatit; dori vositalariga yuqori sezgirlik reaksiyalari. Ko‘z kasalliklari (ko‘zni zararlovchi og‘ir o‘tkir va surunkali allergik va yallig‘lanish jarayonlari): allergik chekka yara; ko‘zning old segmenti yallig‘lanishi; diffuz orqa uveit va xoroidit; simpatik oftalmiya; allergik kon’yunktivit; keratit; xoriyoretinit; ko‘ruv nervining nevriti; irit va iridosiklit. Nafas olish tizimi kasalliklari: simptomatik sarkoidoz; boshqa vositalar bilan davolab bo‘lmaydigan Leffler sindromi; beryllioz; chaqmoq tezligida yoki tarqoq o‘pka tuberkulyozi, tegishli tuberkulozga qarshi kimyoterapiya bilan kombinatsiyada; aspiratsion pnevmonit. Gematologik kasalliklar: kattalardagi idiopatik trombotsitopenik purpura; kattalardagi ikkilamchi trombotsitopeniya; orttirilgan (autoimmun) gemolitik anemiya; eritroblastopeniya (eritrositar anemiya); tug‘ma (eritroid) gipoplastik anemiya. Onkologik kasalliklar (palliativ terapiya sifatida): kattalarda leykemiyalar va limfomalar; bolalarda o‘tkir leykemiyalar. Shish sindromi: uremiyasiz, idiopatik yoki tizimli qizil volchanka tufayli yuzaga kelgan nefrotik sindromli bemorlarda diurezni stimulyatsiya qilish va proteinuriya remissiyasiga erishish uchun. Me’da-ichak trakti kasalliklari (kritik holatdan chiqish uchun): yarali kolit; mintaqaviy enterit. Asab tizimi kasalliklari: tarqoq skleroz zo‘rayishi; miya shishi, miya o‘smalari bilan bog‘liq holatlar. Qo‘llashning boshqa ko‘rsatmalari: subaraxnoidal blok bilan kechuvchi yoki blok xavfi ostidagi tuberkulyozli meningit (tegishli tuberkulozga qarshi kimyoterapiya bilan birga); asab tizimi yoki miokard zararlanishi bilan kechuvchi trikxinellyoz; organlarni ko‘chirib o‘tkazish.

Yaroqlik muddati - 5 yil.