Гесседил

-

Гесседил

Faol modda va/yoki preparat komponentlariga yuqori sezuvchanlik; miyelosupressiya (neytrofillar soni <2000/mkl va/yoki trombotsitlar <100000/mkl) birinchi davolash kursi boshlanishidan oldin; funksional buzilishlar bilan kechuvchi periferik sensor nevropatiya birinchi davolash kursi boshlanishidan oldin; og‘ir buyrak yetishmovchiligi (KK 30 ml/min dan kam); homiladorlik va emizish davri; bolalar yoshi (yetarli klinik ma'lumotlar yo‘qligi tufayli). Ehtiyotkorlik bilan: buyrak funksiyasi buzilishlari, jigar funksiyasining og‘ir buzilishlarida preparatni qo‘llash.

Bolalarda qo‘llash mumkin emas.

Terapia oksaliplatin bilan faqat maxsus onkologik bo‘limlarda va tajribali onkolog nazorati ostida o‘tkazilishi mumkin. O‘rtacha darajadagi buyrak yetishmovchiligi bo‘lgan bemorlarda preparatning xavfsizligi to‘g‘risidagi ma’lumotlar cheklanganligi sababli, preparat faqat aniq bemor uchun foyda/risk nisbatini to‘g‘ri baholagandan keyin qo‘llanilishi lozim. Bunday vaziyatda buyrak faoliyatini diqqat bilan kuzatib borish va preparat dozasini ehtimoliy toksik ta’sirlarni hisobga olgan holda tanlash kerak. Platina komponentlariga allergik reaksiya bo‘lgan bemorlar allergik reaktsiya belgilari paydo bo‘lish xavfini hisobga olgan holda nazorat ostida bo‘lishlari kerak. Oksaliplatinga anafilaktoid reaksiya yuzaga kelganda preparat infuziyasini darhol to‘xtatish va mos simptomatik davolashni boshlash kerak. Bu holda oksaliplatinni qayta qo‘llash mumkin emas. Ekstravazatsiya (eritmaning tomirdan tashqariga chiqib, tomirdan tashqari joyga kirib ketishi) holatida preparatning yuborilishi darhol to‘xtatilishi va standart mahalliy simptomatik davolash boshlanishi kerak. Oksaliplatinni qo‘llaganda asab tizimiga toksik ta’sirni diqqat bilan kuzatib borish kerak, ayniqsa, neyrotoksikligi ma’lum bo‘lgan preparatlar bilan bir vaqtda qo‘llanganda. Har bir preparat yuborilishidan oldin va davolash sikli tugaganidan keyin muntazam ravishda nevrologik tekshiruv o‘tkazilishi lozim. Ikki soatlik infuziya vaqtida yoki undan keyin bir necha soat davomida o‘tkir laringofaringeal dizesteziya kuzatilgan bemorlarga oksaliplatin keyingi infuziyasi 6 soatdan ortiq vaqt davomida o‘tkazilishi kerak. Nevrologik simptomlar (paresteziya, dizesteziya) paydo bo‘lganda, bu simptomlarning davomiyligi va og‘irligiga qarab quyidagi tamoyillar asosida doza tanlanishi tavsiya etiladi: Agar simptomlar yetti kundan ko‘proq davom etsa va sezilarli darajada bo‘lsa, oksaliplatinning keyingi yuborilishi dozasini 85 mg/m2 dan 65 mg/m2 gacha (metastatik jarayon davosi uchun) yoki 75 mg/m2 gacha (ad’yuvant terapiya uchun) kamaytirish kerak. Agar paresteziya funksional buzilishlarsiz keyingi siklgacha saqlansa, oksaliplatinning keyingi yuborilishi dozasini 85 mg/m2 dan 65 mg/m2 gacha (metastatik jarayon davosi uchun) yoki 75 mg/m2 gacha (ad’yuvant terapiya uchun) kamaytirish kerak. Agar paresteziya funksional buzilishlar bilan birga keyingi siklgacha saqlansa, oksaliplatinni bekor qilish kerak. Oksaliplatin bekor qilingandan keyin ahvol yaxshilansa va simptomlar kamaygan bo‘lsa, davolashni qayta boshlash mumkin. Bemorlar periferik sezuvchi neyropatiya simptomlari davolash tugaganidan keyin ham saqlanishi mumkinligi haqida xabardor qilinishi kerak. Mahalliy paresteziyalar o‘rtacha darajada yoki paresteziya funksional faollik o‘zgarishi bilan kechishi mumkin va davolash tugaganidan keyin (ad’yuvant terapiya holatida) uch yilgacha saqlanishi mumkin. Ovqat hazm qilish tizimiga toksik ta’sir ko‘rsatib, ko‘ngil aynishi va qusishni keltirib chiqaradigan preparatni qo‘llaganda profilaktik va/yoki terapevtik maqsadda antiemetik vositalarni qo‘llash kerak. Og‘ir diareya/qusish, ayniqsa, oksaliplatin va ftorurasilning birgalikdagi qo‘llanilishi natijasida yuzaga kelgan bo‘lsa, suvsizlanish, funktsional (paralitik) va obstruktiv ichak tutilishi, gipokalemiya, metabolik atsidoz va buyrak yetishmovchiligini keltirib chiqarishi mumkin. Gematologik darajadagi toksik ta’sir belgilarining mavjudligi holatida (neytrofillar soni <1500/mkl yoki trombotsitlar soni <50/mkl) navbatdagi davolash kursi gematologik ko‘rsatkichlar qabul qilinadigan darajagacha tiklanguniga qadar kechiktirilishi kerak. Davolash boshlanishidan oldin va keyingi har bir kursdan keyin qonning to‘liq tahlili va leykotsitar formulani hisoblab chiqish kerak. Bemorlar oksaliplatin va ftorurasil bilan birgalikda qo‘llangandan keyin diareya/qusish, shilliq qavatlar yallig‘lanishi/stomatit va neytropeniya rivojlanishi xavfi mavjudligi haqida xabardor qilinishi va kuzatuv va davolash uchun darhol shifokoriga murojaat qilishlari kerak. Shilliq qavatlar yallig‘lanishi/stomatit neytropeniya bilan yoki neytropenisiz kechsa, navbatdagi davolash sikli shilliq qavatlar yallig‘lanishi/stomatit belgilarining 1-darajaga yoki undan kam darajaga tushguniga yoki neytrofillar konsentratsiyasi >1500/mkl bo‘lguniga qadar kechiktirilishi kerak. Oksaliplatinni ftorurasil bilan birgalikda qo‘llaganda (kalsiy folinat bilan yoki usiz) preparatlarning toksikligini hisobga olgan holda ftorurasilning odatdagi dozasini tanlash talab etiladi. Agar 4-darajali diareya, 3-4-darajali neytropeniya (neytrofillar soni <1000/mkl), 3-4-darajali trombotsitopeniya (trombotsitlar soni <50000/mkl) rivojlansa, oksaliplatinning dozasini 85 mg/m2 dan 65 mg/m2 gacha (metastatik jarayon davosi uchun) yoki 75 mg/m2 gacha (ad’yuvant terapiya uchun) kamaytirish, shuningdek, ftorurasilning kerakli konsentratsiyasini tanlash kerak. Nafas olish tizimi tomonidan tushunarsiz simptomlar, masalan, quruq yo‘tal, nafas qisishi, nam xirillashlar yoki rentgenologik tekshiruvda o‘pka infiltratlari paydo bo‘lsa, oksaliplatin interstitsial o‘pka shikastlanishi yoki o‘pka fibrozining rivojlanishi chiqarib tashlanguniga qadar bekor qilinishi kerak. Agar jigar holatining ko‘rsatkichlari o‘zgarsa yoki jigar metastazlari natijasida bo‘lmagan portal gipertenziya belgilari paydo bo‘lsa, juda kam uchraydigan asorat, ya’ni dori-induktsiyalangan jigar tomirlarining shikastlanishi rivojlanganini taxmin qilish kerak. Transport vositalarini va mexanizmlarni boshqarish qobiliyatiga ta’siri Oksaliplatinning psixomotor reaksiyalar tezligiga ta’sirini o‘rganish bo‘yicha maxsus tadqiqotlar o‘tkazilmagan. Ammo oksaliplatin qo‘llash fonida ko‘ngil aynishi, qusish, bosh aylanishi va umumiy holatga ta’sir qiladigan boshqa nevrologik simptomlar rivojlanishi mumkinligi sababli, bu davrda avtomobil haydashdan va boshqa mexanizmlar bilan ishlashdan tiyilish tavsiya etiladi.

Oksaliplatin eritromitsin, salitsilatlar, granisetran, paklitaksel va valproy kislotasi bilan bir vaqtda qo‘llanganda qon plazmasidagi oqsillar bilan bog‘lanishida ahamiyatli o‘zgarishlar aniqlanmagan. Alyuminiy bilan o‘zaro ta’sirda cho‘kma hosil bo‘lishi va oksaliplatin faolligining pasayishi mumkin. Oksaliplatin farmatsevtik jihatdan 0,9% natriy xlorid eritmasi va boshqa xloridlarni o‘z ichiga olgan eritmalar, shuningdek ishqoriy eritmalar bilan mos kelmaydi. Ishqoriy dori vositalari yoki eritmalar bilan, ayniqsa trometamol yordamchi moddasi sifatida mavjud bo‘lgan fltorurasil va kalsiy folinat preparatlari bilan aralashtirilmasligi kerak. Ishqoriy eritmalar va dori vositalari oksaliplatinning barqarorligiga salbiy ta’sir ko‘rsatadi.

O'simta o'sishiga qarshi preparat, platina asosidagi yangi sinf birikmalariga tegishli bo'lib, unda platina atomi 1,2-diaminotsiklogeksan (DATS) va oksalat guruhi bilan kompleks bog'lanadi. Oksaliplatin turli xil o'simta turlarida, shu jumladan, kolorektal saraton kasalligida o'simta o'sishiga qarshi faollikka ega. Shuningdek, tsisplatinga chidamli o'simta turlarini davolashda samarali. Ta'sir hujayra tsikli fazasidan qat'i nazar namoyon bo'ladi. Ftoruratsil bilan qo'llanganda sitotoksik ta'sir sinergiyasi kuzatiladi. Oksaliplatinning o'simta o'sishiga qarshi ta'sir mexanizmi sitotoksik ta'sirga asoslangan va oxirigacha o'rganilmagan. Taxminlarga ko'ra, oksaliplatin DNK bilan ichki va tashqi bog'lanishlar hosil qiladi, shu orqali DNKning replikatsiyasi va transkripsiya fazalarini ingibirlaydi.

In vivo sharoitida oksaliplatin faol biotransformatsiyaga uchraydi va 130 mg/m2 dozada yuborilgandan keyin 2-soat oxiriga kelib plazmada aniqlanmaydi; bunda yuborilgan platinaning 15% qonda bo‘ladi, qolgan 85% esa to‘qimalarda tez taqsimlanadi yoki buyrak orqali chiqariladi. Plazmada platina albumin bilan bog‘lanib, dastlabki 48 soat ichida siydik orqali chiqariladi. 5-kun oxiriga kelib, umumiy dozaning taxminan 54% siydikda va 3% dan kamrog‘i axlatda aniqlanadi. Maxsus klinik holatlardagi farmakokinetika Buyrak yetishmovchiligida oksaliplatin klirensi sezilarli darajada kamayadi – 17,55±2,18 l/soatdan 9,95±1,91 l/soatgacha. Platina klirensiga og‘ir buyrak yetishmovchiligining ta’siri o‘rganilmagan.

Oksaliplatin homiladorlik va emizish davrida, shuningdek, kontratseptsiya usullarini qo‘llamaydigan reproduktiv yoshdagi ayollarda qo‘llanishi mumkin emas.

Jigar faoliyatining og‘ir darajada buzilishi holatida Azoptni ehtiyotkorlik bilan buyurish kerak.

Buyrak funksiyasi og‘ir buzilgan holatlarda preparatni qo‘llash mumkin emas. Buyrak funksiyasi buzilgan hollarda ehtiyotkorlik bilan qo‘llash kerak.

Retsept bo‘yicha.

Simptomlar: miyelosupressiya, neyrotoksiklik, diareya, ko‘ngil aynishi, qayt qilish. Davolash: gematologik nazorat va simptomatik terapiya. Oksaliplatin uchun antidot noma’lum.

25°C dan yuqori bo‘lmagan haroratda saqlang. Bolalar ololmaydigan joyda saqlang.

III bosqich kolorektal rakda ad’yuvant terapiya (Dyuk S bo‘yicha) – birlamchi o‘smalarni radikal rezektsiyadan keyin ftoruratsil/kalsiy folinat bilan kombinatsiyada; dissemine kolorektal rakda monoterapiya yoki ftoruratsil/kalsiy folinat bilan kombinatsiyalangan holda; tuxumdon raki (ikkinchi liniya terapiyasi sifatida).

65 yoshdan oshgan keksa bemorlarda oksaliplatin qo‘llanganda dozalash rejimini o‘zgartirish zarur emas (jumladan, ftoruratsil bilan kombinatsiyada qo‘llanganda ham).

Yaroqlik muddati - 4 yil.