Дуэллин®

-

Дуэллин®

Yopiq burchakli glaukoma; og‘ir psixoz yoki nevroz; melanoma yoki unga shubha; nomalum etiologiyali teri kasalliklari; Huntington kasalligi; essential tremor; homiladorlik; emizish davri; 18 yoshgacha bo‘lgan bolalar va o‘smirlar; preparat tarkibidagi komponentlarga yuqori sezuvchanlik. Preparatni ikkilamchi Parkinsonizmda qo‘llash mumkin emas (neyroleptiklarni qo‘llash bilan bog‘liq). Ehtiyotkorlik bilan: o‘tmishda yurak ritmi buzilishi bilan kechgan miokard infarkti, yurak yetishmovchiligi, bronxial astma, qandli diabet, oshqozon-ichak tizimining eroziyali-yarali shikastlanishlari, buyrak va jigar shikastlanishlari, endokrin kasalliklar, epileptik tutqanoqlar va psixik buzilishlar tarixida mavjud bo‘lsa.

Levodopa Qabul qilinishi Levodopa me’da-ichak yo‘llaridan faol transport orqali so‘riladi va qisman ichak devori orqali o‘tgan paytda unda mavjud bo‘lgan dopa-dekarboksilaza ta'sirida biotransformatsiyaga uchraydi. Oshqozon bo‘shashishini sekinlashtiruvchi omillar (ovqat, xolinoblokatorlar) mavjudligida levodopaning so‘rilishi sekinlashadi. Cmax 1-2 soat ichida erishiladi. Ichga qabul qilinganda karbidopa levodopaning biokiraolishligini 2 baravar oshiradi. Taqsimlanishi Levodopa qon plazmasi oqsillari bilan bog‘lanmaydi. Levodopaning Vd qiymati 0,9-1,6 l/kg ni tashkil etadi. Dopa-dekarboksilaza faolligi saqlanganda, qon plazmasidagi levodopaning klirensi 0,5 l/kg/soatni tashkil etadi. Levodopa GEB orqali kuchaytirilgan diffuziya yo‘li bilan o‘tadi. Bosh miya kapillyarlari endoteliyida ham dopa-dekarboksilaza mavjud, biroq bu kapillyarlarda yuborilgan levodopa dozasining ozgina qismi biotransformatsiyaga uchraydi. Metabolizm Levodopa dozasining taxminan 70-75% qismi ichak devorida metabolizmga uchraydi (“birinchi o‘tish effekti”). Jigar bu bosqichdagi metabolizmda ishtirok etmaydi. Preparat dozasining oshishi bilan ichakda dekarboksillanishga uchraydigan levodopa miqdori kamayadi. Levodopaning dopa-karboksilaza tomonidan dekarboksillanishi dopamin hosil bo‘lishining asosiy yo‘lidir. Bu fermentning katta miqdori ichakda, jigarda va buyraklarda mavjud. Katexol-O-metiltransferaza ta'sirida 3-O-metildopa hosil bo‘lishi bilan levodopaning metoksillanishi ikkinchi metabolizm yo‘lidir. Uzoq muddat qo‘llashda bu metabolit to‘planishi mumkin. Transaminatsiya levodopa metabolizmining qo‘shimcha yo‘li hisoblanadi. Ushbu yo‘lning oxirgi mahsulotlari vanilpiruvat, vanilatsetat va 2,4,5-trigidroksifeniluksus kislotasidir. Transaminatsiyadan tashqari barcha metabolizm yo‘llari qaytarilmasdir. Levodopa metabolizmi, ayniqsa preparat uzoq muddat qabul qilinganda, potentsial toksik mahsulotlar hosil bo‘lishi bilan kechishi mumkin. Chiqarilishi Levodopaning 69% gacha qismi siydik bilan dopamin va uning metabolitlari (vinilinmindal kislotasi, norepinefrin, gomovanillin kislotasi, digidrofeniluksus kislotasi) shaklida chiqariladi. Karbidopa bilan birga qabul qilinganda levodopaning T1/2 3 soatni tashkil etadi. Maxsus klinik holatlarda farmakokinetika Keksalarda levodopa so‘rilishi yoshlarga qaraganda yuqori. Ushbu ma’lumotlar, to‘qimalarda yosh o‘tishi bilan dopa-dekarboksilaza faolligining pasayishi, shuningdek, levodopaning uzoq muddat buyurilishi bilan bog‘liq ekanligini tasdiqlaydi. Karbidopa Tavsiya etilgan dozada qo‘llanganda karbidopa GEB orqali o‘tmaydi. Qon plazmasidagi Cmax 2-4 soat ichida erishiladi. Taxminan 50% siydik va najas bilan chiqariladi (buyraklar orqali chiqariladigan karbidopaning 35% o‘zgarmagan holda chiqariladi).

Hozirgi vaqtda Duellin preparatining homiladorlikka ta’siri haqida ma’lumotlar mavjud emas. Preparatni homiladorlikda qo‘llash mumkin emas. Levodope yoki karbidopa ko‘krak sutiga o‘tadimi-yo‘qmi noma’lum. Laktatsiya davrida preparatni qo‘llash zarur bo‘lsa, emizishni to‘xtatish haqida qaror qabul qilish kerak.

Jigar faoliyati buzilgan bemorlarga preparatni ehtiyotkorlik bilan buyurish kerak.

Buyrak faoliyati buzilgan bemorlarga preparatni ehtiyotkorlik bilan buyurish kerak.

Preparat retsept bo‘yicha beriladi.

Belgilar: dastlab arterial gipertenziya, keyin arterial gipotenziya, sinus taxikardiya, ong chalkashishi, qo‘zg‘alish, ishtaha yo‘qolishi, uyqusizlik, bezovtalik. Orto-statik gipotenziya rivojlanishi mumkin. Anoreksiya va uyqusizlik belgilari bir necha kun davom etishi mumkin. Davolash: oshqozonni yuvish, faollashtirilgan ko‘mir qabul qilish; kerak bo‘lganda statsionarda simptomatik davolash. Maxsus antidot mavjud emas.

Preparatni bolalar ololmaydigan joyda, 25°C dan yuqori bo‘lmagan haroratda saqlash kerak.

Parkinson kasalligi; turli etiologiyadagi parkinsonizm sindromi (ensefalit, miya qon tomirlarining buzilishi, toksik moddalar, jumladan, uglerod monoksidi yoki marganets bilan zaharlanish oqibatida).

Yaroqlik muddati - 4 yil.