Зелдокс®

-

Зелдокс®

Ziprasidonga yoki preparatning boshqa har qanday komponentiga yuqori sezuvchanlik; QT intervalining uzayishi aniqlangan; tug‘ma QT intervalining uzayishi sindromi; yaqinda o‘tkazilgan o‘tkir miokard infarkti; dekompensatsiya bosqichidagi yurak yetishmovchiligi; IA va III sinf antiaritmik preparatlar bilan davolanishni talab qiluvchi aritmiyalar; QT intervalini uzaytirishi mumkin bo‘lgan preparatlar bilan bir vaqtda qo‘llash, jumladan IA va III sinf antiaritmik preparatlar, mishyak trioksidi, galofantrin, levometadil asetati, mezoridazin, tioridazin, pimozid, sparfloksatsin, gatifloksatsin, moksifloksatsin, dolasetrondimelati, meflokxin, sertindol yoki sisaprid (qarang: "Maxsus ko‘rsatmalar" va "Dori vositalarining o‘zaro ta’siri" bo‘limlari). Ehtiyotkorlik bilan: ziprasidonni jigar yetishmovchiligiga ega bemorlar, anamnezida tutqanoq bo‘lgan, qandli diabeti bor, aspirasion pnevmoniya xavfi yuqori bo‘lgan, insult xavfi yuqori bo‘lgan bemorlarga ehtiyotkorlik bilan qo‘llash kerak. Yurak-qon tomir patologiyasi (miokard infarkti yoki IYuK, yurak yetishmovchiligi yoki o‘tkazuvchanlik buzilishlari mavjudligi) yoki serebrovaskulyar patologiyaga ega bemorlarda, gipotenziyaga moyil sharoitlar mavjud bo‘lsa (degidratatsiya, gipovolemiya yoki boshqa gipotenziya dorilarini qabul qilayotgan bemorlar) ziprasidonni ehtiyotkorlik bilan qo‘llash kerak. Paroksizmal qorincha aritmiyasi (torsade de pointes) rivojlanish xavfini kuchaytirishi mumkin bo‘lgan quyidagi xavf omillariga ega bemorlarda ziprasidonni ehtiyotkorlik bilan qo‘llash kerak: bradikardiya; elektrolitlar muvozanatining buzilishi; QT intervalini uzaytiruvchi boshqa preparatlar bilan bir vaqtda qo‘llash.

Shizofreniyani davolashda zyprazidonning bolalar va o‘smirlardagi xavfsizligi va samaradorligi aniqlanmagan. Ko‘rsatmalarga muvofiq va dozalash rejimiga qat’iy rioya qilgan holda bolalarda qo‘llash mumkin.

So‘rilishiZiprasidonning bir necha dozasi ovqat bilan peroral qabul qilinganda, qondagi Cmax odatda doza olinganidan keyin 6-8 soat o‘tgach kuzatiladi. 20 mg dozada ovqat bilan qabul qilinganda mutlaq biokiraolishlik 60% ni tashkil etadi. Farmakokinetik tadqiqotlar ziprasidonning ovqat mavjudligida biokiraolishligi 100% ga oshishini ko‘rsatgan. Shu sababli, ziprasidon ovqat bilan birga qabul qilinishi tavsiya etiladi. TaqsimlanishVd qiymati taxminan 1,1 l/kg ni tashkil qiladi. Ziprasidon 99% dan ko‘prog‘i qonda zardob oqsillari bilan bog‘lanadi. Metabolizm va chiqarilishZiprasidonning peroral qabulidan keyin o‘rtacha yakuniy T1/2 6,6 soatni tashkil qiladi. Css qiymatiga 1-3 kun ichida erishiladi. Ziprasidonning vena ichiga yuborilgandagi o‘rtacha klirensi 5 ml/min/kg ni tashkil qiladi. Qabul qilingan dozaning taxminan 20% si siydik orqali, taxminan 66% esa najas orqali chiqariladi. Ovqat bilan birga qabul qilgan bemorlarda ziprasidon terapevtik doza diapazonida (40-80 mg kuniga 2 marta) chiziqli kinetika ko‘rsatadi. Ziprasidon peroral qabul qilingandan keyin keng metabolizmga uchraydi va uning faqat ozgina qismi siydik (1% dan kam) yoki najas (4% dan kam) orqali o‘zgarmagan holda chiqariladi. Ziprasidon klirensi asosan uchta metabolik yo‘l orqali amalga oshadi va natijada to‘rtta asosiy aylanib yuruvchi metabolit hosil bo‘ladi: benzizotiazolpiperazin sul’foksidi (BITP), BITP sul’foni, ziprasidon sul’foksidi va S-metildigidroziprasidon. O‘zgarmagan ziprasidon zardobdagi umumiy moddalar va uning metabolitlarining taxminan 44% ini tashkil etadi. Ziprasidon asosan ikki yo‘l bilan metabolizmga uchraydi: S-metildigidroziprasidon hosil qiluvchi tiklanish va metillanish, bu jarayon umumiy metabolizmning taxminan uchdan ikki qismini tashkil etadi, qolgan uchdan bir qismi esa oksidlanish metabolizmidan iborat. In vitro tadqiqotlar shuni ko‘rsatadiki, S-metildigidroziprasidon ikki bosqichda hosil bo‘ladi: birinchi bosqichda bu jarayon asosan glutation ta’sirida kimyoviy qaytarilish va aldegidoksidaza orqali fermentativ qaytarilish orqali amalga oshadi. Ikkinchi bosqichda esa bu tiolmetiltransferaza ta’sirida metillanish orqali davom etadi. In vitro tadqiqotlar shuni ko‘rsatadiki, ziprasidonning oksidlanish metabolizmini katalizlaydigan asosiy izoferment sitoxrom P450 CYP3A4 bo‘lib, unda CYP1A2 izofermentining ishtiroki ahamiyatsizdir. In vitro ma’lumotlarga ko‘ra, ziprasidon, S-metildigidroziprasidon va ziprasidon sul’foksid QTc intervalini uzaytirishga hissa qo‘shishi mumkin bo‘lgan o‘xshash xususiyatlarga ega. S-metildigidroziprasidon asosan ichak orqali chiqariladi, bunda safro orqali chiqarilish muhim o‘rin tutadi va CYP3A4 tomonidan katalizlangan metabolizm juda kam ishtirok etadi. Ziprasidon sul’foksidi siydik orqali chiqariladi va CYP3A4 izofermenti ta’sirida ikkilamchi metabolizmga uchraydi. Maxsus bemor toifalariFarmakokinetik skrining ziprasidon farmakokinetikasida chekuvchi va chekmaydigan bemorlar o‘rtasida sezilarli farqlar mavjud emasligini ko‘rsatdi. Ziprasidon farmakokinetikasida yosh yoki jinsiy farqlarga bog‘liq klinik jihatdan ahamiyatli o‘zgarishlar kuzatilmagan. 10-17 yoshdagi bolalarda ziprasidon farmakokinetikasi tana vazniga moslashtirilgandan keyin kattalardagi farmakokinetikaga o‘xshash bo‘lgan. Buyrak klirensi umumiy klirensda juda kam ahamiyatga ega ekanini tasdiqlash uchun o‘tkazilgan tadqiqotlar shuni ko‘rsatadiki, ziprasidonni turli darajadagi buyrak yetishmovchiligi bo‘lgan bemorlar qabul qilganida ziprasidon ta’sirining sezilarli oshishi kuzatilmagan. Yengil (KK 30-60 ml/min), o‘rtacha (KK 10-29 ml/min) va og‘ir (dializ talab qiluvchi) buyrak funksiyasi buzilgan bemorlarda ta’sir darajasi sog‘lom bemorlarga (KK >70 ml/min) nisbatan mos ravishda 146%, 87% va 75% ni tashkil qilgan (20 mg dozada, kuniga 2 marta, 7 kun davomida). Ushbu bemorlarda zardobda metabolitlarning konsentratsiyasi oshgani aniqlanmagan. Jigar funksiyasining sirroz bilan chaqirilgan buzilishida (Chayld-Pyu shkalasi bo‘yicha A yoki B klasslari) yengildan o‘rtacha darajagacha bo‘lgan holatlarda ziprasidonning zardobdagi konsentratsiyasi peroral qabul qilingandan keyin 30% ga yuqori bo‘lgan, yakuniy T1/2 sog‘lom bemorlarga qaraganda taxminan 2 soatga uzunroq bo‘lgan. Jigar funksiyasi buzilishining zardobdagi metabolit konsentratsiyasiga ta’siri noma’lum.

Reproduktiv toksiklik Eksperimental hayvonlarda o‘tkazilgan tadqiqotlarda preparatning onalik organizmi uchun toksik bo‘lgan yoki sedativ ta’sir ko‘rsatgan dozalarda reproduktiv funktsiyaga noxush ta’sir ko‘rsatishi aniqlangan. Teraogen xususiyatlari isbotlanmagan. Homiladorlik Homilador ayollarda zipsaridon qo‘llash bo‘yicha tadqiqotlar o‘tkazilmagan. Homiladorlikda Zeldox® faqat onaga kutilayotgan foyda homila uchun mumkin bo‘lgan xavfdan ustun kelgan hollarda qo‘llanadi. Antipsixotik preparatlar klassi haqida ma’lumot Homiladorlikning uchinchi trimestrida antipsixotik preparatlar, shu jumladan, zipsaridon ta’siriga uchragan yangi tug‘ilgan chaqaloqlarda ekstrapiramidal simptomlar va (yoki) bekor qilish sindromi rivojlanishi xavfi yuqori bo‘lib, bu tug‘ilganidan keyin turli darajada va davomiylikda bo‘lishi mumkin. Ushbu chaqaloqlarda bezovtalik, gipertonus, gipotonus, tremor, uyquchanlik, nafas olish yetishmovchiligi sindromi va oziqlanish buzilishlari kuzatilishi haqida xabarlar bor. Shu sababli, bunday yangi tug‘ilgan chaqaloqlar sinchiklab kuzatilishi kerak. Zeldox® homiladorlikda faqat zarurat bo‘lsa qo‘llanadi. Agar preparatni homiladorlik davrida bekor qilish zarur bo‘lsa, uni birdaniga to‘xtatmaslik kerak. Ko‘krak suti bilan boqish davri Laktatsiya davridagi ayollarda tadqiqotlar yetarli emas. Cheklangan ma’lumotlarga ko‘ra, zipsaridon ko‘krak sutiga o‘tadi. Zipsaridon qabul qilayotgan bemorlarga emizishni davom ettirmaslik tavsiya etiladi. Agar davolash zarur bo‘lsa, emizishni to‘xtatish kerak. Fertillik Ayollar va erkaklarda zipsaridon qo‘llash bo‘yicha klinik tadqiqotlar yetarli emas. Tug‘ish yoshidagi ayollarga kontratseptsiya usullaridan foydalanish tavsiya etiladi.

Jigar yetishmovchiligining og‘ir darajasi bo‘lgan bemorlarda ziprasidon ehtiyotkorlik bilan qo‘llanishi lozim. Yengil yoki o‘rtacha jigar yetishmovchiligi bo‘lgan bemorlarda preparat dozasini pasaytirish maqsadga muvofiqdir.

6 Buyrak funksiyasi buzilgan bemorlarda dozani o‘zgartirish talab qilinmaydi.

Preparat retsept bo‘yicha beriladi.

Belgilar: ziprasidon ortiqcha dozasida juda cheklangan ma'lumotlar mavjud. Ichga qabul qilingan tasdiqlangan eng katta bitta doza 12800 mg bo‘lgan, bu holatda ekstrapiramidal simptomatika va QT/QTc intervalining 446 ms ga uzayishi kuzatilgan (keyinchalik yurak faoliyatida asoratlar kuzatilmagan). Umuman olganda, ortiqcha doza holatida eng ko‘p kuzatiladigan simptomlar ekstrapiramidal simptomlar, uyquchanlik, titroq va tashvishdir. Og‘riq sezuvchanligining pasayishi, tutqanoq xurujlari yoki bosh va bo‘yin sohasidagi distonik reaksiyalar aspiratsiya xavfini oshirishi mumkin. Davolash: yurak-qon tomir tizimini monitoring qilishni darhol boshlash lozim, shu jumladan, EKG orqali aritmiyalarni aniqlash uchun uzluksiz monitoring o‘tkaziladi. Ziprasidon uchun maxsus antidot mavjud emas.

Preparatni bolalar ololmaydigan joyda, 25°C dan yuqori bo‘lmagan haroratda saqlash kerak.

Kattalarda shizofreniyani davolash; kattalar, bolalar va 10-17 yoshli o‘smirlarda bipolyar buzilishning o‘rtacha darajadagi maniya yoki aralash epizodlarini davolash. Bipolyar buzilish epizodlarini oldini olishda ziprasidonning samaradorligi aniqlanmagan.

65 yosh va undan katta bemorlarning ko‘pchiligida pastroq boshlang‘ich dozani tayinlash zarur emas, ammo klinik holat va boshqa ahamiyatli omillar talab qilsa, bu imkoniyatni ko‘rib chiqish kerak.

Yaroqlik muddati - 2 yil. Qadoqlamada ko'rsatilgan yaroqlik muddati tugagandan keyin ishlatmaslik.