Зидолам-Н

-

Зидолам-Н

Preparatning har qanday faol va/yoki yordamchi komponentlariga yuqori sezuvchanlik; neytropeniya/leykopeniya (neytrofillar soni 0,75×10^9/l yoki 750/mkl dan kam); anemiya (gemoglobin 7,5 g/dl yoki 4,65 mmol/l dan kam); o‘ta og‘ir jigar yetishmovchiligi (Child-Pugh bo‘yicha C sinfi yoki transaminazalar (ALT yoki ACT) normaning yuqori chegarasidan 5 martadan ortiq oshishi); anamnezda og‘ir teri reaksiyalari, generalizatsiyalangan toshmalar va/yoki nevapirin sababli gepatotoksik reaksiyalar; 16 yoshgacha bo‘lgan bolalar va o‘smirlar. Zidolam-N ni rifampitsin, zubturum o‘t preparatlari, stavudin, doksorubisin va zidovudin antivirus faoliyatini pasaytiradigan boshqa preparatlar bilan birga qo‘llash mumkin emas. Ehtiyotkorlik bilan: suyak iligi gemopoezining bostirilishi, neytropeniya/leykopeniya (neytrofillar soni 0,75 ×10^9/l–0,10×10^9/l yoki 750-1000/mkl), anemiya (gemoglobin 7,5-9,0 g/dl yoki 4,65-5,59 mmol/l), sianokobalamin yoki foliy kislotasi yetishmovchiligi, jigar yetishmovchiligi, keksa yosh (65 yoshdan katta), semizlik, gepatomegaliya, gepatit yoki jigar kasalliklari uchun har qanday ma'lum xavf omillari, pankreatit, shu jumladan anamnezda, periferik neyropatiya.

16 yoshgacha bo‘lgan shaxslarda qo‘llash mumkin emas.

Zidolam-N ning barcha faol komponentlarining me'da-ichak traktidan so‘rilishi yuqori, lamivudin biofoydalanish darajasi 80-85%, zidovudin 60-70%, nevirapin esa > 90% ni tashkil etadi. Zidolam-N ning sog‘lom ko‘ngillilar tomonidan bir martalik ichga qabulidan so‘ng kuzatilgan farmakokinetik ko‘rsatkichlar jadvalda keltirilgan. Parametr Lamivudin Zidovudin Nevirapin AUC0-t (mkg×soat/ml) 5065 (±1539) 2387 (±608) 156 783 (±45 908) Cmax (mkg/ml) 1182 (±453) 1773 (±635) 1995 (±492) Tmax (soat) 1.65 (±1.24) 0.55 (±0.28) 5.02 (±4.76) Oziq-ovqatning me'dada bo‘lishi lamivudin va zidovudinning so‘rilishini sekinlashtiradi va uning darajasini pasaytiradi, ammo biofoydalanishga sezilarli ta’sir ko‘rsatmaydi – AUC va T1/2 deyarli o‘zgarmaydi. Oziq-ovqat, antasidlar yoki ishqoriy bufer moddalarni (masalan, didanozin) qabul qilish nevirapinning so‘rilish hajmi va darajasiga ta’sir qilmaydi. Lamivudin yarim chiqarilish davri 5-7 soatni, zidovudinning hujayralardan chiqarilishi 3,3 soatni, katta yoshli odamlarning qon zardobidan chiqarilishi taxminan 1 soatni (0,8-1,2 soat), buyrak yetishmovchiligida (kreatinin klirensi (KK) 30 ml/min dan kam) 1,4-2,9 soatni, jigar sirrozi holatida jigar yetishmovchiligining og‘irlik darajasiga qarab o‘zgaradi; o‘rtacha – 2,4 soat; onasi zidovudin qabul qilgan yangi tug‘ilgan chaqaloqlarda esa – 13 soatni tashkil etadi. Lamivudin TF ning hujayralardan chiqarilishi T1/2 22 soat, zidovudin TF 7 soatga yaqin. Nevirapinning bir martalik ichga qabulidan so‘ng T1/2 45 soatni, kuniga 200-400 mg dozada muntazam qabul qilganda esa 25-30 soatni tashkil etadi. Lamivudin zidovudinning ta’sir muddatini 13% ga, Cmax ni 28% ga oshiradi, ammo AUC o‘zgarmaydi; zidovudin lamivudinning farmakokinetikasiga ta’sir qilmaydi. Plazma oqsillari bilan bog‘lanish: lamivudin 35%, zidovudin 34-38%, nevirapin taxminan 60%, bu esa Zidolam-N ning plazma oqsillariga bog‘lanish orqali boshqa dori vositalari bilan o‘zaro ta’sir ehtimoli kam ekanini ko‘rsatadi. Lamivudinning taqsimlanish hajmi 1,3 l/kg, zidovudin 1,6 l/kg, nevirapin esa 2,1 l/kg ni tashkil etadi. Zidolam-N ning barcha uchta faol komponenti qon-miya to‘sig‘idan o‘tadi. Lamivudin ichga qabul qilingandan keyin orqa miya suyuqligida (OMS) 2-4 soat ichida aniqlanadi; zidovudinning OMS dagi kontsentratsiyasi plazmadagi kontsentratsiyaning 15-64% ni, nevirapinning esa 45% ni tashkil etadi. Zidovudin ko‘pchilik to‘qimalar va tana suyuqliklariga o‘tadi; u urug‘ suyuqligida to‘planadi, bu yerda uning kontsentratsiyasi zardobdagi kontsentratsiyadan 1,3-20,4 marta yuqori bo‘ladi, ammo VICHning urug‘ suyuqligi bilan ajralishiga ta’sir ko‘rsatmaydi va shu sababli VICHni jinsiy yo‘l bilan yuqishini oldini olish imkoniyatini bermaydi. Zidolam-N ning barcha uchta faol komponenti yo‘ldosh to‘sig‘i va ko‘krak sutiga faol o‘tadi. Lamivudin va zidovudinning chaqaloqlarning zardobidagi kontsentratsiyasi ona qon zardobidagi va kindik qonidagi kontsentratsiyaga tengdir. Lamivudin, zidovudin va nevirapin jigarda metabolizatsiyalanadi. Lamivudin ozgina miqdorda (5-10%) trans-sulfo‘oksidning nofaol metabolitini hosil qilish bilan metabolizatsiyalanadi. Zidovudin glyukuron kislotasi bilan kon’yugatsiyalanib, nofaol glyukuronidlarni hosil qiladi. Asosiy metabolit 5'-glyukuronid bo‘lib, ichga yuborilgan zidovudinning 50-80% gacha qismi shu metabolitga aylanadi. Zidovudin vena ichiga yuborilganda uning metaboliti – 3'-amino-3'-deoksitimidin aniqlangan. Nevirapin sitoxrom izofermentlari CYP3A va CYP2B6 ishtirokida keng miqyosda metabolizatsiyalanadi. Ichga qabul qilingan nevirapinning 80% dan ortig‘i gidroksilanish va glyukuronidlar hosil qilish bilan kon'yugatsiyalanadi. P450 tizimi izofermentlarining induktori bo‘lgan nevirapin o‘zining metabolizmini kuchaytiradi; maksimal yarim chiqarilish davri (T1/2)ning pasayishi qabulning dastlabki 2-4 haftasida kuzatiladi. Lamivudin, zidovudin va nevirapin asosan buyraklar orqali chiqariladi. Lamivudinning sistematik klirensi 0,32 l/soat/kg ni tashkil etadi, buyrak klirensi esa 70% ni tashkil etadi va ekskretatsiya kation transport tizimi orqali amalga oshiriladi. Zidovudinning sistematik klirensi 1,6 l/soat/kg ni, buyrak klirensi esa 0,34 l/soat/kg ni tashkil etadi, ekskretatsiya glomerulyar filtrlash va faol kanalchalar sekretsiyasi orqali yuz beradi. Zidovudinning 14-18% o‘zgarmagan holda buyrak orqali, 60-74% esa glyukuronidlar shaklida (asosiy – 5'-glyukuronid) chiqariladi. Nevirapin asosan metabolitlar shaklida organizmdan chiqariladi; ichga qabul qilingan dozadan o‘zgarmagan holda siydikda 3% dan kam qismi aniqlanadi. Taxminan 10% nevirapin ichak orqali chiqariladi. Yoshi kattalar. Ushbu guruh bemorlarda farmakokinetikaning o‘ziga xos xususiyatlari haqida ma'lumot yo‘q. Jigar funksiyasi buzilgan bemorlar. Og‘ir jigar yetishmovchiligi va/yoki jigar sirrozi mavjud bo‘lgan holatlarda dozalash tartibini tuzatish talab qilinadi, chunki glyukuronidlanish kamayganligi sababli zidovudin kumulyatsiyasi mumkin. Buyrak funksiyasi buzilgan bemorlar. Kreatinin klirensi (KK) 50 ml/min dan past bo‘lgan holatlarda (lamivudin uchun) dozalash tartibini tuzatish talab etiladi. Og‘ir buyrak yetishmovchiligida zidovudin kontsentratsiyasi plazmada oshadi, terminal bosqichdagi surunkali buyrak yetishmovchiligida esa nevirapin kontsentratsiyasi ortadi. Homilador ayollar. Zidolam-N ning faol komponentlari farmakokinetikasining o‘ziga xos xususiyatlari kuzatilmagan. Jins, yosh, irq. Nevirapinning plazmadagi konsentratsiyasi jinsga bog‘liq farqlarni ko‘rsatmagan. VICH-1 bilan kasallangan katta yoshli bemorlarda nevirapinning farmakokinetikasi yoshga (18-68 yosh oralig‘ida) yoki irqiga (negr, lotin amerikalik yoki yevropoid irq) bog‘liq holda o‘zgarmaydi. Lamivudin va zidovudin bo‘yicha ma'lumot yo‘q.

Homiladorlik davrida qo‘llash faqat onaga bo‘lgan foyda homilaga bo‘lgan potensial xavfdan ustun bo‘lgan holatlarda mumkin. Laktatsiya davrida preparatni qo‘llashda esa, emizishni to‘xtatish lozim. VICH bilan kasallangan ayollar ko‘krak sutida yuqish xavfi yuqori bo‘lganligi sababli emizishni to‘xtatish to‘g‘risida ogohlantirilishi lozim.

Jigar yetishmovchiligi (Chayld-Pyu klassifikatsiyasi bo‘yicha C sinfi yoki transaminazalar faolligi (ALT yoki ACT) OGNni 5 martadan ortiq oshgan hollarda) mavjud bo‘lganda qo‘llash mumkin emas.

Retsept bo‘yicha.

Belgilar: ko‘ngil aynishi, qusish, holsizlik/charchoq, isitma, bosh og‘rig‘i, bosh aylanishi, uyqusizlik, toshma, shishlar, tugunli eritema, o‘pka infiltratlari, transaminazlar faolligining oshishi va vazn yo‘qotilishi. Davolash: standart qo‘llab-quvvatlovchi terapiya, uzluksiz gemodializ. Faol komponentlar uchun maxsus antidot mavjud emas. Lamivudin/zidovudin/nevira pin kombinatsiyasining ortiqcha dozasi bo‘yicha ma’lumotlar yo‘q. Lamivudin yoki zidovudinning o‘tkir ortiqcha dozasi maxsus belgilar bilan ajralib turmaydi, faqat noxush ta’sirlar kuzatiladi. Nevirapin ortiqcha dozasi holatlari (800–6000 mg 15 kun davomida) ma’lum bo‘lib, yuqorida keltirilgan belgilar kuzatilgan. Hech qanday holatda o‘lim holatlari qayd etilmagan, bemorlarning holati standart qo‘llab-quvvatlovchi terapiya fonida normallashgan.

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin. Bolalar ololmaydigan joyda saqlansin.

16 yoshdan katta bo‘lgan kattalar va o‘smirlarda OIV-infeksiya (tana vazni kamida 50 kg). Zidolam-N, qattiq birikma sifatida, faqat uning faol komponentlari — lamivudin, zidovudin va nevirapin ma’lum darajada yaxshi o‘zlashtirilganda qo‘llanilishi mumkin. Bu o‘zlashtirish kombinirovka qilingan antiretrovirus terapiya kursidan keyin, 6-8 haftalik qo‘llanilish davomida, nevirapinning 200 mg li qo‘llab-quvvatlovchi dozasi sutkada 2 marta qo‘llanganida (qo‘llab-quvvatlovchi doza dastlabki doza bo‘lgan 200 mg dan kuniga bir marta 14 kun davomida qabul qilingandan keyin beriladi) baholanadi.

65 yoshdan oshgan shaxslarda ehtiyotkorlik bilan qo‘llash tavsiya etiladi.

Yaroqlik muddati - 4 yil.